Ռուսական էստրադայի պրիմադոննա Ալլա Պուգաչովան և երաժիշտ Անդրեյ Մակարևիչը երգ են ձայնագրել հաջակցություն Ռուսաստանի նախագահական ընտրությունների թեկնածու Միխայիլ Պրոխորովի: Ընդ որում՝ պրիմադոննան հայտարարել է, որ Մակարևիչին հաջողվել է գրել «իմաստուն բառեր»: Այս մասին գրում է Interfax-ը՝ վկայակոչելով Պրոխորովի մամուլի ծառայության հաղորդագրությունը:
«Այնպիսի հաճելի երգ է ստացվել: Բայց գիտեք, կարևորն այն է, որ այն շատ արդիական է: Միխայիլն իրոք ամենաբարձրն է բոլոր թեկնածուներից: Նրա վարկանիշը նույնպես բարձր է»,- ասել է Մակարևիչը:
Իր հերթին Պուգաչովան նշել է, որ վաղուց էր նախատեսում երգ ձայնագրել Մակարևիչի հետ: «Մենք Անդրեյի հետ վաղուց էինք մտածում համատեղ երգ ձայնագրել: Ահա և հարմար առիթ է. Միխայիլ Պրոխորովին նախագահ ենք ընտրում: Եվ բառերը, որ գրել է Անդրեյ Մակարևիչը, շատ իմաստուն են»,- ասել է Պուգաչովան:
Երգն առաջին անգամ հրապարակավ կկատարվի 2012 թ. մարտի 4-ին՝ ընտրությունների օրը: