Կանադացի լարախաղաց Նիք Վալլենդան մտադիր է անցնել Նիագարա ջրվեժի վերևով ձգվող պարանի վրայով,- տեղեկացնում է Sky News: Նրան այդ էքստրեմալ քայլի թույլտվությունը տվել են Նիագարայի զբոսայգիների հանձնաժողովի ներկայացուցիչները, ովքեր Վալլենդի արարքը համարել են ֆինանսապես շահավետ նախաձեռնություն:
2011 թ. դեկտեմբերին Հանձնաժողովը մերժել էր լարախազացին ջրվեժի վրայով անցնել: Սակայն կանադացին բացատրել է, որ եթե, այնուամենայնիվ, իրեն թույլ տան իրականացնել իր մտադրությունը, ապա, իր` պարանի վրայով զբոսանքը շատ զբոսաշրջիկներ կգան տեսնելու, իսկ դա նրանց լրացուցիչ գումար կբերի: Այդ փաստարկը դարձավ որոշիչ հանձնաժողովի համար. Վալլենդի այդ արարքով նրանք մտադիր են ավելի քան 119 մլն դոլար վաստակել:
Նիագարայի այգիների վերահսկողության գերատեսչությունում նշել են, որ նման զբոսանքներ ջրվեժի վրայով կարելի է անել ոչ հաճախ, քան 20 տարի մեկ: Վերջին անգամ ջրվեժի վրայի պարանով քայլել էին 1896 թ.:
Վալլենդը մոտ 5 սմ լայնությամբ պարանի վրայով անցնելու է 2012 թ. ամռանը: Ջրվեժի վրայով զբոսանքը կտևի մոտ 45 րոպե: Վալլենդը պետք է հաղթահարի մոտ 450 մետր տարածություն:
Նիագարա ջրվեժ են անվանում Նիագարա գետի մոտ գտնվող ջրվեժների ամբողջությունը, որը Ամերիկայի Նյու-Յորք նահանգը բաժանում է Կանադայի Օնտարիո մարզից: Նիագարա ջրվեժի մեջ են մտնում Պայտ, Ամերիկյան և Քող ջրվեժները:
