Facebook սոցցանցում մոտակա օրերին կհայտնվի պրոֆիլի հաստատման նոր գործառույթ, որը կհաստատի հայտնի օգտատերերի պրոֆիլների իսկությունը: Այս մասին հաղորդում է TechCrunch-ը:
Հրատարակության տվյալով` սոցցանցի ադմինիստրացիան պետք է որոշի, թե ով է ստանալու էջի հաստատումը: Հաստատումը ստանալու համար օգտատերը պետք է Facebook-ին ուղարկի իր փաստաթղթերի պատճենը: Ամբողջ գործընթացից հետո տվյալները կջնջվեն սերվերի վրայից:
Հաստատված էջերը թույլ կտան աստղերին սոցցանցի իրենց պրոֆիլներում օգտագործել կեղծանուններ, որոնք դարձյալ կստուգվեն Facebook-ի աշխատակիցների կողմից:
Նրանց իրական անունները, որոնք պարտադիր է նշելը, կերևան էջը տնօրինողի տեղեկատվական բլոկում:
Հաստատված պրոֆիլների առավելությունն այն կլինի, որ նրանց էջերն ավելի հաճախ կերևան «խորհուրդ տրվող էջերի» բլոկում: Այդ ամենով հանդերձ, օգտատերերի պրոֆիլներում ոչ մի ձևով չի նշվի այն մասին, որ նրանց պրոֆիլները հաստատված են:
Հայտնի անձանց հաստատված պրոֆիլների գործառույթը գործում է մասնավորապես Google+, В Контакте, Однокласники կայքերում:
Նմանատիպ ծրագիր գոյություն ուներ նաև Twitter միկրոբլոգում, սակայն նվազագույն քանակով հայտեր էին ներկայացվել:
Բոլոր չորս սերվիսներում էլ օգտատիրոջ անունների մոտ դրված է հատուկ նշան:
