Լիբիայի պատվիրակը բարկության ալիք է բարձրացրել այն բանից հետո, երբ ՄԱԿ-ի մարդու իրավունքների պաշտպանության վերաբերյալ քննարկման ժամանակ ասել է, որ միասեռականները վտանգ են ներկայացնում մարդկության ապագայի համար:
Daily Mail-ը գրում է, որ պաշտոնյան, ում անունը չի հաղորդվում, մեկնաբանութուններն արել է այն ժամանակ, երբ մասնակիցները քննարկելիս են եղել սեռական կողմնորոշման վրա հիմնված բռնությունները:
Նա նման հայտարարություն է արել, չնայած Լիբիայի նոր առաջնորդները խոստացել էին հարգել և պաշտպանել մարդու իրավունքները այն բանից հետո, երբ նախկին բռնապետ Քադաֆին հեռացվեց իշխանությունից:
Լիբիան միայն վերջերս էր վերականգնել իր անդամակցությունը ՄԱԿ-ի Մարդու իրավունքների խորհրդում, որը բաղկացած է 47 անդամ երկրներից:
Պաշտոնյան ասել է, որ նման թեմայի քննարկումը վատ ազդեցություն է ունենում կրոնի և մարդկության զարգացման վրա: Նրա հայտարարություններին Մարդու իրավունքների խորհուրդը բարկացած հակադարձել է, որ խորհուրդը կոչված է պաշտպանելու մարդու իրավունքները և բացառելու խտրականությունը:
