Գերմանացի դատախազները հայտնում են, որ ոստիկանությունը ձերբակալել է մի մարոկկացու, ով մեղադրվում է լրտեսության մեջ: Հաղորդվում է, որ նա հիմնականում լրտեսել է Polisario խմբի աջակիցներին, ովքեր անկախության են ձգտում Արևմտյան Սահարայի շրջանում:
Associated Press-ի հաղորդմամբ՝ դաշնային դատախազներն ասել են, որ Մուհամեդ Բ. անունով կասկածյալն այսօր ձերբակալվել է Բեռլինում: Ոստիկանության հայտարարությամբ տեղեկացվում է, որ իրենք խուզարկել են կասկածյալի բնակարանը և ևս երկու այլ կասկածյալների գրասենյակները:
Դատախազների փոխանցմամբ՝ 56-ամյա տղամարդը հիմնականում լրտեսել է խմբի գերմանացի աջակիցներին: Խումբը ձգտում է անկախություն ստանալ Արևմտյան Սահարայի տարածքում, որը նախկինում Իսպանիայի գաղութն է եղել, իսկ 1975 թվականին գրավվել է Մարոկկոյի կողմից:
