Եվրամիությունն իր ներկա վիճակով արգելակում է Չեխիայի տնտեսությունը. նման հայտարարություն է արել Չեխիայի նախագահ Վացլավ Կլաուսը՝ ելույթ ունենակով Անկարայում տեղի ունեցած թուրք-չեխական տնտեսական ֆորումի բացմանը:
«Եվրոպական Միությունը այժմ դարձել է տարածություն, որն արգելակում է չեխական տնտեսությունը: Դրա ապացույցն է առաջին հերթին այն հանգամանքը, որ Չեխիայի արտահանման 83%-ը մտնում է ԵՄ երկրներ»,- ասել է Կլաուսը, որի խոսքերը մեջբերում է RIA-Novosti-ն:
Չեխիայի նախագահը երեքշաբթի քառօրյա այցով մեկնել է Թուրքիա: Նրա հետ այստեղ են ժամանաել 60 չեխ գործարարներ և ձեռնարկատերեր: «Չեխիայի պատմության մեջ սա գործարարների ամենամեծ պատվիրակությունն է, որն ուղեկցում է նախագահին: Առաջին անգամ մենք եկել ենք ոչ թե մեկ, այլ երկու ինքնաթիռներով, ինչը վկայում է մեր մեծ հետաքրքրվածության մասին»,- ընդգծել է Կլաուսը:
Խոսելով թուրք-չեխական հարաբերությունների մասին՝ Կլաուսը նշել է, որ Թուրքիան իրենք դիտում են որպես առաջնային ռազմավարական գործընկեր: