2010 թ. վերջին շաբաթում Կրթության ազգային ինստիտուտի Կապանի մասնաճյուղում կազմակերպվել էին հանրակրթական ուսումնական հաստատությունների տնօրենների հավակնորդների հավաստագրման դասընթացները: Մասնաճյուղի տնօրեն Մագդա Գևորգյանի խոսքով, դասընթացների առաջին փուլին մասնակցել են 35 հոգի: Նրանցից 27-ը դպրոցների տնօրեններ էին, 6-ը` մանկավարժներ, մեկը` մանկապարտեզի վարիչ: Հավակնորդները Կապանից, Քաջարանից, Մեղրիից ու Ագարակից էին: ՀՀ կրթության և գիտության նախարարության հովանավորությամբ կազմակերպվող 15-օրյա դասընթացներն անցկացվեցին օրական վեց ակադեմիական ժամ տևողությամբ: Իհարկե, մեկ անգամ տրվում էր սուրճի ընդմիջում: Փետրվարին կկազմակերպվի դասընթացների երկրորդ փուլը: Ի դեպ, դասընթացները վճարովի են, յուրաքանչյուր մասնակից վճարել է 84 հազար դրամ: Կրթության ազգային ինստիտուտի Սիսիանի և Գորիսի մասնաճյուղերում ևս անցկացվեցին նմանատիպ դասընթացներ: Սիսիանում մասնակցեց 35, Գորիսում` 25 մարդ: