РИА Новости-ի փոխանցմամբ՝ Հարավային Օսիայի ընդդիմության առաջնորդ, նախագահական ընտրությունների նախկին թեկնածու (հաղթող) Ալլա Ջիոևան արդեն իսկ գիտակցության է եկել:
Նշվում է, որ նախօրեին, երբ նրան հարցաքննության նպատակով փորձել են տանել Գլխավոր դատախազություն, նա ընկել է կոմայի մեջ և հայտնվել է վերականդանացման բաժնում:
Բժիշկները հայտնում են, որ նրա առողջական վիճակը շարունակում է մնալ ծանր՝ թեպետ նա գիտակցության է եկել: Նրանք նշում են, որ Ջիոևան ցավեր է զգում մարմնի բոլոր հատվածներում:
Մի շարք լրատվամիջոցներ հայտնում են, որ Ջիոևան ինքնաձիգի խզակոթով հարված է ստացել գլխին, ինչի հետևանքով նա գլխուղեղում արյան զեղում է ստացել:
Հիշեցնենք, որ Ջիոևան իր երդման արարողությունը նշանակել էր փետրվարի 10-ին: Ի դեպ, Հարավային Օսիայում նոր նախագահական ընտրությունները պետք է տեղի ունենան մարտի 25-ին:
