Երեք օր հետաձգումից հետո Հունաստանի կոալիցիոն ուժերի առաջնորդներն այսօր սկսել են պարտքային բանակցությունները: Վարչապետը պետք է վերանայի նախնական գործարքը, որտեղ նշվում է, թե ինչ պահանջներ են ներկայացնում վարկատուները՝ Հունաստանին 170 միլիարդ դոլար վարկ տրամադրելու համար:
Associated Press-ը հաղորդում է, որ երեք ամիս արդեն գործող կոալիցիայի երեք կուսակցությունների առաջնորդների վրա մեծ ճնշում է գործադրվում՝ ընդունել խիստ տնտեսական միջոցառումներ իրականացնելու պահանջները և այդ կերպ երկիրը փրկել մոտալուտ սնանկացումից:
Նրանց որոշումները կհրապարակվեն վարչապետ Լուկաս Պապդեմոսի հետ հանդիպման ժամանակ՝ այն բանից հետո, երբ կուսակցությունները կքննարկեն 50 էջից բաղկացած պարտքային համաձայնագիրը, որը կազմվել է միջազգային պարտքի տեսուչների կողմից՝ երեքշաբթի օրը: