ИТАР-ТАСС-ի փոխանցմամբ՝ վերջին շաբաթներին Չինաստանը զգալիորեն ավելացրել է Սաուդյան Արաբիայից, Ռուսաստանից, Անգոլայից և Նիգերիայից նավթի ներկրումը: Միևնույն ժամանակ Չինաստանը կրճատել է իրանական նավթի գնումը:
Նշվում է, որ հունվարին Չինաստանն իրանական նավթի գնումը նվազեցրել է մինչև 285,000 բարելի, ինչը վկայում է, որ դեպի Չինաստան իրանական նավթի արտահանումը կրկնակի անկում է ապրել: Միևնույն ժամանակ, Սաուդյան Արաբիայից Չինաստանի ներկրած նավթի ծավալը հասցվել է օրական 200,000 բարելի:
Հիշեցնենք, որ վերջին շրջանում Իրանի նկատմամբ ԱՄՆ-ի սահմանած ֆինանսական պատժամիջոցներով արգելվել է իրանական նավթ գնելիս դոլարի գործածումը:
