ԱՄՆ ադմիրալն այսօր ասել է, որ Աֆղանստանում հատուկ գործողություններ իրականացնող ուժերը պատրաստվում են ընդլայնել իրենց դերն այն ժամանակ, երբ ամերիկյան զորքերը մեկ տասնամյակ տևած պատերազմից հետո պիտի հեռանան երկրից:
Associated Press-ը գրում է, որ ադմիրալ Բիլ Մաքրեյվընը, ով ղեկավարում է հատուկ գործողությունները, հաստատել է, որ իր ուժերը վերջինը կլքեն Աֆղանստանը՝ համաձայն ԱՄՆ նախագահ Օբամայի վարչակազմի ներկայիս ծրագրի:
Նա ասել է, որ հատուկ գործողությունների մեջ մտնելու են հատուկ դասընթացները, որոնք տեղի կունենան այս ամառ, բայց ադմիրալը նաև նշել է, որ ոչ մի վերջնական որոշում դեռևս չի ընդունվել: