Թուրքական Hürriyet թերթի փոխանցմամբ՝ ԱՄՆ Ազգային արխիվում հայտնաբերվել է Թուրքիայի Հանրապետության հիմնադիր Մուսթաֆա Քեմալ Աթաթուրքի ամենամաքուր ձայնագրությունը: Այն պատրաստվել է 1958 թվականին և վերնագրված է՝ «Հրաշալի թուրքը»:
Տեսանյութը կրում է ծանուցողական բնույթ և ամերիկացիներին պատմում է 1952 թվականին ՆԱՏՕ-ին անդամակցած ԱՄՆ-ի նոր դաշնակցի մասին: Տեսանյութում պատմվում է Աթաթուրքի և նրա ստեղծած պետության մասին: Դրանում նաև ներկայացվում է, որ Թուրքիան Կորեական պատերազմի (1950-1953) ժամանակ մարտնչել է ամերիկյան բանակի կողմում:
Նշվում է, որ մինչ այս Աթաթուրքին առնչվող ամենահաջող ձայնագրությունն իրականացվել է 1927 թվականի աշնանը, սակայն այդ 2 րոպե և 19 վայրկյան տևողությամբ տեսագրության որակը վատն է:
Հիշեցնենք, որ Թուրքիան ՆԱՏՕ-ին անդամակցել է 1952 թվականի փետրվարի 18-ին՝ դառնալով նրա միակ մուսուլման անդամը։ Շուտով կլրանա ՆԱՏՕ-ին Թուրքիայի անդամակցության 60-ամյակը:
