Ցխինվալի ուժեղ սառնամանիքների հետևանքով միջազգային հանրության կողմից չճանաչված Հարավային Օսեթիայի հանրապետության մայրաքաղաքը շաբաթ օրը մնացել է առանց ջրամատակարարման:
«Ցխինվալում սաստիկ սառնամանիքների արդյունքում սառել են խողովակները, և ջուրը դադարել է հոսել դեպի հանրապետության մայրաքաղաք: Վերանորոգման բրիգադի աշխատակիցներն անմիջապես ձեռնամուխ են եղել վթարը վերացնելուն և խոստանում են, որ մարտի 5-ի առավոտյան Ցխինվալի ջրամատակարարումը կվերականգնվի»,- տեղեկացնում է Водоканал ГУП-ի տնօրեն Սոսլան Սոսկիևը:
Վթարը տեղի է ունեցել շաբաթ առավոտյան, Հարավային Օսեթիայի Ձոմաղ Ձաուսկի շրջանում: