Հունվարի 30-ից փետրվարի 3-ն ընկած ժամանակահատվածում իրականացված գործարքներն են.
Արտարժույթի ներբանկային շուկայում բանկերի կողմից գնվել է 82 միլիոն 815 հազար 876 դոլար՝ 386.41 դրամ մեկ դոլարի դիմաց միջին փոխարժեքով, վաճառվել է 101 միլիոն 212 հազար 41 դոլար՝ 387.37 դրամ մեկ դոլարի դիմաց միջին փոխարժեքով:
«ՆԱՍԴԱՔ ՕԷՄԵՔՍ ԱՐՄԵՆԻԱ» ԲԲԸ–ում նշված ժամանակահատվածում իրականացվել է 17.45 միլիոն դոլարի առք և վաճառք՝ 387.57 դրամ մեկ դոլարի դիմաց միջին փոխարժեքով:
Միջբանկային շուկայում իրականացվել է 1.15 միլիոն դոլարի առք և վաճառք՝ 387.06 դրամ մեկ դոլարի դիմաց միջին փոխարժեքով:
Արտարժույթի ներբանկային շուկայում բանկերի կողմից գնվել է 7 միլիոն 197 հազար 783 եվրո 506.33 դրամ մեկ եվրոյի դիմաց միջին փոխարժեքով, վաճառվել է 9 միլիոն 571 հազար 40 եվրո 510.64 դրամ մեկ եվրոյի դիմաց միջին փոխարժեքով:
«ՆԱՍԴԱՔ ՕԷՄԵՔՍ ԱՐՄԵՆԻԱ» ԲԲԸ-ում և միջբանկային շուկայում նշված ժամանակահատվածում գործարք չի իրականացվել:
Արտարժույթի ներբանկային շուկայում բանկերի կողմից գնվել է 494 միլիոն 842 հազար 237 ռուբլի՝ 12.63 դրամ մեկ ռուբլու դիմաց միջին փոխարժեքով, վաճառվել է 57 միլիոն 147 հազար 651 ռուբլի՝ 12.85 դրամ մեկ ռուբլու դիմաց միջին փոխարժեքով:
«ՆԱՍԴԱՔ ՕԷՄԵՔՍ ԱՐՄԵՆԻԱ» ԲԲԸ-ում և միջբանկային շուկայում նշված ժամանակահատվածում գործարք չի իրականացվել:
ԿԲ հասարակայնության հետ կապերի ծառայությունից «Առաջին լրատվական»-ին հայտնեցին, որ հունվարի 23-29-ն ընկած ժամանակահատվածում բանկերի կողմից դրամով տրամադրված վարկերի ծավալը կազմել է 25.6 միլիարդ դրամ, իսկ դոլարով տրամադրված վարկերի ծավալը՝ 38.4 միլիոն դոլար:
