Հայաստանի հավաքականի կիսապաշտպան Մարկոս Պիզելլին ռուսական մամուլին հարցազրույց է տվել` մասնավորապես նշելով հետևյալը.
«Ես պետք է շարժվեի առաջ: Եթե դու չես մտածում կատարելագործման մասին, նույնիսկ տեղում չես կարող մնալ և կկորցնես որակներդ: Գործակալս ինձ տեղեկացրեց «Կուբան»-ի` իմ ծառայություններով հետաքրքրված լինելու մասին, և ես անմիջապես տվեցի դրական պատասխան:
«Կուբան»-ը թիմ է, որը կարող է հանդես գալ Եվրոպայի Լիգայի Գավաթի խաղարկությունում: Ռուսաստանի առաջնությունը նույնպես շատ ուժեղ է: Ուկրաինայի առաջնությունում «Մետալլուրգ»-ը լուրջ խաղեր էր անցկացնում միայն երեք թիմերի հետ, որոնց թվում էին «Դինամո»-ն, «Շախտյոր»-ն ու «Մետալիստ»-ը, իսկ այստեղ կան 10 ուժեղ թիմեր:
