Տորայի գլանակների կեղծ որոնիչը, որն իրեն անվանում էր «հրեական Ինդիանա Ջոնս» և հավաքել էր մեկ միլիոնից ավելի նվիրատվութունը, ԱՄՆ դատարանում խոստովանել է, որ զբաղվել է խարդախությամբ: Այս մասին հայտնում է BBC-ն:
«Փրկենք Տորան» ամերիկյան բարեգործական հիմնադրամի հիմնադիր, 50-ամյա ռաբին Մենախեմ Յուլուսը հայտարարել էր, որ ամբողջ աշխարհում փնտրում են հուդաների սուրբ գրքի կորած ձեռագրերը: Սակայն Նյու Յորքի դատարանում նա պատմել է, որ այսպես կոչված՝ գտնված տեքստերի մասին իր բոլոր պատմությունները հորինված են եղել:
Մասնավորապես, նա ստել է, որ 2004-2010 թվականներին իրեն հաջողվել է անձամբ է փնտրել Տորայի գլանակները գերմանական նախկին համակենտոնացման ճամբարներում:
Մանհեթանի շրջանային դատարանի վճռով, հաշվի առնելով այն հանգամանքը, որ Մենախեմը համագործակցել է հետաքննության հետ, նրան դատապարտել են հինգ տարի և երեք ամիս ազատազրկման: Դատարանը նաև վճռել է, որ Մենախեմը իր բարեգործական հիմնադրամի միջոցով հասցրել է 862 հազար դոլարի վնաս:
Նրան հաջողվել է ընդհանուր առմամբ հավաքել մոտ 1,2 միլիոն դոլար, որի մեկ երրորդը փոխանցել է իր անձնական հաշվին: Գումարի մի մասն էլ, ըստ դատախազության, Յուլուսը ծախսել է իր երեխաների մասնավոր դպրոցի վարձը վճարելու համար:
Իրականում, ԱՄՆ իշխանությունների տվյալներով, «հրեական Ինդիանա Ջոնսը» հազվադեպ է դուրս եկել ԱՄՆ սահմաններից այն ժամանակահատվածում, որի մասին շատ է պատմել: Այնուամենայնիվ, սա չի խանգարել, որ Մենախեմ Յուլուսը հորիներ Տորայի գլանակի դրվագներով մետաղական արկղի մասին պատմություն, որն ինքն անձամբ հայտնաբերել էր Օսվենցիմում:
