Aravot.am-ը գրում է.
«2011 թվականի հաշվետվության մեջ Տավուշի մարզպետ Արմեն Ղուլարյանն անդրադարձել է մարզի տարբեր ոլորտներում 2011 թվականին կատարված աշխատանքներին: Մարզպետի տարեկան հաշվետվությունը տեղադրված է մարզպետարանի կայքում: Հեռահաղորդակցության ոլորտում առկա իրավիճակը, հեռարձակվող հանրապետական հեռուստաալիքները ներկայացնելով` մարզպետը նաև անդրադարձ է կատարել մարզում գործող տեղական հեռուստաընկերություններին և նշել.
«Ունենք նաև 3 տեղական հեռուստաընկերություն՝ «Տավուշը»և «Քամուտը»` Նոյեմբերյանում, «Իջևան ստուդիա»-ն` Իջևանում»:
Ի՞նչ է նշանակում` «ունենք». մարզում գործող տեղական հեռուստաընկերությունները ո՛չ մարզպետի, ո՛չ էլ մարզպետարանի սեփականությունը չեն: Նա միայն 40 տոկոս բաժնեմաս ունի մարզային «Տավուշ» հեռուստաընկերությունում, այն էլ իրավաբանորեն ձևակերպված է իր բարեկամի անունով:
12 տարի պաշտոնավարող մարզպետը երևի չգիտի, որ 2011 թվականի սեպտեմբերի 1-ից, ավելի քան 5 ամիս, Նոյեմբերյանի «Քամուտ» հեռուստաընկերությունը եթեր չի հեռարձակվում»:
