Մադրիդի «Ռեալ»-ի գլխավոր մարզիչ Ժոզե Մոուրինյոյի մամլո քարտուղար Էլադիո Պարամեսը իսպանական մամուլին տված հարցազրույցում խոսեց Իսպանիայի Գավաթի խաղարկության կիսաեզրափակիչ հանդիպման ժամանակ մրցավարի գործողություններից:
Կատալոնական «Բարսելոնա»-ն մրցակցի հարկի տակ «Վալենսիա»-ի հետ խաղն ավարտեց 1:1 հաշվով, իսկ հանդիպման գլխավոր մրցավար Խոսե Լուիս Գոնսալեսը տուգանային հրապարակի սահմաններից դուրս ձեռքով խաղի համար հյուրերի դարպասապահ Մանուել Պինտոյին կարմիր քարտ ցույց չտվեց:
««Բարսելոնա»-ի համար ստեղծվել են ֆուտբոլային նոր կանոններ.
դարպասապահը կարող է տուգանային հրապարակի սահմաններից դուրս որսալ գնդակը և կարմիր քարտ չստանալ»,- հայտարարեց Պարամեսը:
Այդ դրվագի մասին խոսեց նաև «Վալենսիա»-ի հարձակվող Ռոբերտո Սոլդադոն.
«Մրցավարը համապատասխան որակավորում չուներ: Նա չհեռացրեց Պինտոյին, սակայն նույնիսկ ես տեսա, որ նա ձեռքով խաղաց իր տուգանայինի սահմաններից դուրս: Այնուհետև նա մեզ սկսեց դեղին քարտեր բաժանել, ցույց տալով, որ ոչինչ չի եղել»: