Գազայի հատվածում քարկոծման է ենթարկվել այցով Մերձավոր Արևելքում գտնվող ՄԱԿ-ի գլխավոր քարտուղար Պան Գի Մունի ավտոմեքենան:
Ինչպես հաղորդում է իսրայելական Haaretz թերթը, գլխավոր քարտուղարին սպասող շուրջ 40 պաղեստինցիներ նրա մեքենայի վրա քարեր, կոշիկներ և փայտեր են նետել:
Ցույցը կազմակերպվել է իսրայելական բանտերում պահվող պաղեստինցիների ազգականների կողմից: Պաղեստինցիները ՄԱԿ-ի գլխավոր քարտուղարին մեղադրում են կողմնակալ վերաբերմունքի մեջ:
ՄԱԿ-ի առաքելությունը, Պան Գի Մունի գլխավորությամբ, այց է կատարում Պաղեստինի և Իսրայելի տարածք՝ փորձ անելով վերսկսել բանակցությունները երկու հակամարտող կողմերի միջև:
Մուսուլմանական աշխարհում կոշիկ նետելը համարվում է ամենալուրջ վիրավորանքը: Վերջին տարիներին հաճախակի են դարձել տարբեր քաղաքական գործիչների վրա կոշիկ նետելու դեպքերը:
