Մի խումբ ցանցահեններ, որոնք իրենց ավանում են Anonymous Brasil շարժման ներկայացուցիչներ, փետրվարի 1-ին հարձակվել են Բրազիլիայի պետական բանկի կայքի վրա: Ակցիան անցկացնելու մասին նրանք գրել են իրենց միկրոբլոգում:
Ինչպես նշում է Associated Press գործակալությունը, հարձակման արդյունքում բանկի կայքը անհասանելի էր: Ընդ որում, կազմակերպությունը գործակալությանը հայտնել էր, որ ինտերնետ-ռեսուրսի աշխատանքը միայն «դանադաղեցվել էր» աճող բեռնվածության պատճառով: Այս նշումի գրառման պահին Բրազիլիայի պետական բանկը աշխատում էր նորմալ ռեժիմով:
Այս ակցիան բրազիլական բանկերի կայքերի վրա հարձակման արդեն երրորդ դեպքն էր: Հունվարի 30-ին Anonymous-ը հարձակվել էր երկրի խոշորագույն Itau Unibanco Banco Multiplo SA մասնավոր բանկի կայքի վրա:
Հունվարի 31-ին խախտվել էին մեծությամբ երկրորդ մասնավոր Banco Bradesco SA բանկի ինտերնետ-ռեսուրսի աշխատանքները: Բանկերի կայքերը մի քանի ժամ անհասանելի են եղել: Ակցիայի անվանումը` «Հաշվեհարդարի շաբաթ» (OpWeeksPayment) , հուշում է, որ բանկերի վրա հարձակումների թիվը կարող է ավելանալ:
Ցանցահեններն իրենց գործողությունները բացատրել են նրանով, որ ցանկանում են ուշադրությունը կենտրոնացնել երկրում տիրող կոռուպցիայի և անհավասարության վրա:
