Կոլումբիայում սկսել է գործել նոր օրենք, որը սահմանափակում է հրաձգային զենքի օգտագործումը:
Ինչպես հաղորդում է BBC-ն, փետրվարի 1-ից Բոգոթա քաղաքում, որի բնակչությունը 8 մլն է, զենք կրելու իրավունք կունենան միայն ոստիկանության աշխատակիցները, մասնավոր թիկնապահական ընկերությունները և զինվորականները: Նոր միջոցառման արդյունավետությունը կստուգվի 90 օրվա ընթացքում:
Այսպիսի նախաձեռնությամբ հանդես է եկել Բոգոթայի քաղաքապետ Գուստավո Պետրոն: Նա հույս է հայտնել, որ դրա շնորհիվ կսահմանափակվի սպանությունների թիվը: 2011 թ. Բոգոթայում հրազենային կրակոցներից սպանվել է ավելի քան 1500 մարդ:
Ավելի վաղ՝ 2011 թ. հոկտեմբերին, Կոլումբիայի նախագահ Խուան Մանուել Սանտոսը հայտարարել էր, որ Լիբիայի նախկին առաջնորդ Մուամար Քադաֆին ֆինանսավորել և աջակցել է Կոլումբիայի հեղափոխական զինված ուժերի խմբավորումներին: