Դավիթաշեն համայնքի ղեկավար ՀՀԿ-ական Արթուր Գևորգյանը «ժողովուրդ»-ի հետ զրույցում նշել է, որ Հանրապետական կուսակցությունը պետք Է որոշի՝ ինքն իր թեկնածությունն առաջադրելու Է, թե ոչ. «Դեռ որոշված չէ, գործադիրից հետո կլինի երևի խորհրդի նիստ, և կորոշվի, այդ ժամանակ կիմանաք»:
Հարցին՝ ՀՀԿ-ն կսատարի՞ Ձեզ, պատասխանել է. «Իմ աշխատանքն ավելի շատ համայնքային աշխատանք է, և բնակչությունը պետք է ինձանից գոհ լինի, դա իմ որոշումը չէ, որ ես որոշեմ, թե իմ կողքին կկանգնեն, կաջակցեն, թե ոչ»:
«Գևորգյանից հետաքրքրվեցինք, թե ինչ կանի, եթե իր հորեղբայր Ռուբեն Գևորգյանը՝ Ծաղիկ Ռուբոն, ևս առաջադրի իր թեկնածությունը նույն՝ 05 ընտրատարածքում. «Իսկ Դուք մտածում եք, որ իմ հորեղբայրը կցանկանա՞ իմ հետ պայքարել: Ամեն դեպքում մի՛ մոռացեք, որ մենք հորեղբայր և եղբոր որդի ենք, և դա մեր անձնականն է, և քաղաքականությունը պատճառ չէ, որ մենք ամբողջ հանրությանն ի ցույց դնենք մեր հարաբերությունները»,- հավելում է թերթը: