РИА Новости-ի փոխանցմամբ՝ ԱԷՄԳ-ի տեսուչները շուտով նորից կայցելեն Իրան, որտեղից այսօր վերադարձել է ԱԷՄԳ-ի պատվիրակությունը: Այս մասին հայտարարել է ԱԷՄԳ-ի փոխտնօրեն Հերման Նակերտցը, որը գլխավորել է այդ պատվիրակության եռօրյա իրանական այցը:
Վերջինս նշել է. «Մենք մտադիր ենք հասնել բոլոր վիճելի խնդիրների լուծմանը: Բնականաբար, նույնը կարելի է ասել իրանցիների պարագայում: Իհարկե, առջևում մեզ մեծ աշխատանք է սպասվում, որը դեռ պետք է անել: Մեր ավարտված այս այցը որակում եմ որպես լավ: Մոտ ապագայում մենք պլանավորել ենք ևս մեկ այց դեպի Իրան»:
Հիշեցնենք, որ Իրանի և ԱԷՄԳ-ի միջև բանակցություններն ավարտվել են անարդյունք: Անգամ նշվում է, որ ԱԷՄԳ-ի ներկայացուցիչներին հնարավորություն չի ընձեռվել ներթափանցել իրանական միջուկային օբյեկտներ:
