Պարզվել է, որ 2010թ. օգոստոսին Կոնգոյում ինքնաթիռի կործանման պատճառ կոկորդիլոսն է եղել: Այդ մասին պատմել է միակ կենդանի մնացած ուղեւորը:
Մասնագետները, որոնք քննել են կործանման գործը, պարզել են, որ ինքնաթիռը լիովին սարքին է եղել, եւ տեխնիկական պատճառներով չէ, որ կործանվել է: Հիմնվելով այդ միակ կենդանի մնացածի ցուցմունքների վրա՝ քննիչները պարզել են, որ ուղեւորներից մեկը պայուսակի մեջ կոկորդիլոս է անցկացրել օդանավ: Երբ ինքնաթիռը պատրաստվել է վայրէջքի, կոկորդիլոսը փախել է պայուսակից: Դրանից վախեցած ուղեւորները սկսել են վազվզել ինքնաթիռի մեջ, ինչից մեքենան կորցրել է հավասարակշռությունը եւ կործանվել: