ԱՄՆ-ի նախագահ Բարաք Օբաման երկուշաբթի օրը Սպիտակ տանն ընդունել է Վրաստանի նախագահ Միխայիլ Սահակաշվիլիին:
Ըստ «Ամերիկայի ձայն»-ի, հանդիպման ընթացքում կողմերը քննարկել են երկկողմանի հարաբերությունների հետագա ամրապնդմանը վերաբերող հարցեր:
Բարաք Օբաման և Միխեիլ Սաակաշվիլին առանձնահատուկ քննարկել են երկու պետությունների միջև: Կողմերը համաձայնել են երկու պետությունների միջև տնտեսական հարաբերությունների հետագա ամրապնդման շուրջ քննարկումներ սկսելու մասին, որոնց արդյունքում ԱՄՆ-ի և Վրաստանի միջև հետագայում կարող է կնքել ազատ առևտրի մասին համաձայնագիր:
Ռադիոկայանի փոխանցմամբ, Նախագահ Սահակաշվիլին ընդգծել է, որ Միացյալ Նահանգների և Վրաստանի միջև ազատ առևտրի մասին պայմանագիրը մեծ նշանակություն կունենա Վրաստանի համար: Վրաստանի նախագահը նշել է նաև, թե «ոչինչ չի կարող հետ դարձնել ժողովրդավարական հասարակության կառուցման ճանապարհին Վրաստանի կողմից ձեռք բերված առաջընթացը, և ոչինչ չի կարողանալու վերադարձնել երկիրը ավտորիտարիզմի և կաշառակերության ժամանակաշրջան:
Նախագահներ Օբաման և Սահակաշվիլին քննարկել են նաև միջազգային անվտանգության և ռազմական ոլորտներում համագործակցության հարցերը:
ԱՄՆ-ի նախագահն ասել է, որ Վրաստանի ժողովուրդը պետք է մեծ հպարտություն զգա իր ինքնիշխան և ժողովրդավարական երկրի համար, որը, իր խոսքերով, «կարող է օրինակ ծառայել ամբողջ աշխարհի համար»: Նախագահ Օբաման նշել է նաև, որ Միացյալ Նահանգները բարձր է գնահատում Վրաստանի ներդրումը Աֆղանստանում վարվող պատերազմում, և Վաշինգտոնը սատարում է ՆԱՏՕ-ի անդամ դառնալու Վրաստանի ձգտումը:
