Հունվարի 30-ին արտգործնախարար Էդվարդ Նալբանդյանն ընդունել է ԵԱՀԿ երևանյան գրասենյակի նորանշանակ ղեկավար Անդրեյ Սորոկինին:
ՀՀ ԱԳՆ մամլո գրասենյակից «Առաջին լրատվական»-ին տեղեկացնում են, որ Հայաստանի արտգործնախարարը հույս է հայտնել, որ դեսպան Սորոկինի գլխավորությամբ ԵԱՀԿ գրասենյակը կշարունակի իր ծրագրերի իրականացումը:
Դեսպան Անդրեյ Սորոկինը նշել է, որ ԵԱՀԿ-Հայաստան հարաբերությունները միշտ աչքի են ընկել բազմաբովանդակությամբ և իրենց մեջ ներառում են ՀՀ ակտիվ ներգրավվածությունը ԵԱՀԿ գործունեության բոլոր երեք ուղղություններով:
Է. Նալբանդյանը գոհունակություն է հայտնել ԵԱՀԿ երևանյան գրասենյակի տասնամյա արդյունավետ գործունեության կապակցությամբ և վստահեցրել, որ արտգործնախարարությունը կշարունակի ամենայն աջակցություն ցուցաբերել գրասենյակի աշխատանքներին:
Է. Նալբանդյանն ու Ա. Սորոկինը քննարկել են նաև տարածաշրջանային մի շարք հարցեր: