Ադոլֆ Հիտլերի «Գիշերային ծով» նկարը հունվարի 29-ին Սլովիակիայում տեղի ունեցած աճուրդում վաճառվել է 32 հազար եվրոյով: Այս մասին հայտնում է France-Presse գործակալությունը` վկայակոչելով Darte աճուրդի տանը:
Փորձագետները Հիտլերի այս գործը գնահատել էին 25 հազար եվրո. նախնական գինը փակ VIP աճուրդում կազմել էր 10 հազար եվրո: Նույն աճուրդում Darte-ը մտադիր էր վաճառել Պաբլո Պիկասոյի նկարը, որը գնահատվում էր 15 միլիոն եվրո:
1913 թվականին նկարված այս բնանկարը աճուրդի է հանել սլովակ նկարչի ընտանիքը, որը ցանկացել է անանուն մնալ: Darte-ի սեփականատեր Յարոսլավ Կրայնակի կարծիքով՝ հնարավոր է, որ նկարիչն անձամբ է հանդիպել Հիտելի հետ Վիեննայում, երբ ապագա բռնապետը փորձել է իրեն արվեստի բնագավառում: Նա նաև ավելացրել է, որ Հիտլերին 1913 թվականին «ընկալում է որպես նկարչի, որը չգիտեր, թե ինչ է պատահելու իր հետ հաջորդ տասնամյակներում»:
2011 թվականին Սլովակիայի աճուրդի տունը ընտանիքի հավածաքուից վաճառել էր Հիտելի ևս մեկ նկար. «Գաղտնի հանդիպում» նկարը վաճառվել է 10,2 հազար դոլարով:
