ԱԵԼ–ի դիտորդները, որոնց աշխատանքը դադարեցվել էր շաբաթ օրը, կմնան Սիրիայի մայրաքաղաք Դամասկոսում՝ մինչ նոր որոշման ընդունումը: Այս մասին հայտարարել է ԱԵԼ–ի քարտուղարի տեղակալ Ահմեդ Բեն Հելին:
ԱԵԼ-ը որոշում էր կայացրել դադարեցնել դիտորդների աշխատանքը՝ վերջին երեք օրերին բռնության ավելացման պատճառով:
«Սիրիայում տեղի ունեցող բախումների պատճառով դիտորդները երկու կրակի միջև են հայտնվել: Նրանք շրջաններից վերադարձել են Դամասկոս»,- ասել է Հելին՝ «Ալ-Ջազիրա»–ին տված հարցազրույցի ժամանակ:
Նա ասել է, որ որոշումը կայացրել է ԱԵԼ քարտուղար Ալ-Արաբին՝ Լիգայի երկրների արտգործնախարարների հետ խորհրդակցելուց հետո:
