Սև թեյի օգտագործումը մեծ չափաբաժնով օգնում է «զգալիորեն իջեցնել զարկերակային ճնշումը» և 10 տոկոսով նվազեցնում է սրտի հիվանդությունների ռիսկը: Այսպիսի եզրակացության են եկել Արևելյան Ավստրալիայի համալսարանի գիտնականները:
Ինչպես հայտնում է ИТАР-ТАСС գործակալությունը, այդ նպատակով կազմվել է 35-75 տարեկան 95 կամավորից կազմված խումբ: Բոլոր մասնակիցներն ունեցել են նորմայից բարձր զարկերակային ճնշում: Հետազոտության շրջանակում նրանց առաջարկվել է ամեն օր խմել երեք բաժակ հատուկ պատրաստված սև թեյ:
Յուրաքանչյուր փաթեթ պարունակել է մոտ 429 գրամ պոլիֆենոլ` բուսական ծագմամբ օրգանական նյութ, որն օժտված է բուժիչ հատկությամբ: Նման կերպ հետազոտության մասնակիցներն օգտագործել են թեյի մոտ 8,5 սովորական չափաբաժին՝ հաշվի առնելով, որ սև թեյի յուրաքանչյուր միջին բաժակը պարունակում է մինչև 150 գրամ պոլիֆենոլ: Կամավորների մի մասը միևնույն ժամանակ ստացել էր պլացեբո հեղուկ` նույն համով:
Վեց ամիս անց, երբ ավարտվել է հետազոտությունը, կամավորների մոտ զարկերակային ճնշումն իջել է 2-3 մմ ս.ս.-ով: Մարդու համար նորմա է համարվում 120/80 մմ ս.ս.:
