Իռլանդացի պաշտոնատար անձինք գործազուրկներին արգելել են սոցիալական ապահովման կենտրոնի հարցազրույցներին ներկայանալ գիշերազգեստով: Այս մասին հայտնում է BBC News-ը: Համպատասպան նախազգուշացում է տարածվել Դամասթաունի սոցիալական պահավոման վարչություն դիմած այցելուների շրջանում:
Գործազուրկներին ուղղված հայտարարությունում ասվում է, որ քնի համար նախատեսված հագուստը չի համապատասխանում պոտենցիալ գործատուի հետ հարցազրույցի համար: BBC-ի փոխանցմամբ՝ արգելքը մտցվել է աշխատանքի շուկա դիմած շատ այցելուների արտաքին տեսքի առումով բողոքների հետ կապված:
Իմիջ-խորհրդատու Բիլ Դիքսոնի խոսքերով՝ գիշերազգեստը ասոցացվում է քնի կամ հանգստի հետ, այլ ոչ թե աշխատունակության հետ, այդ պատճառով աշխատանք փնտրելու պետք է ուղևորվել լուրջ մտադրություն ցույց տվող հագուստով:
Գիշերազգեստների արգելքը առաջին դեպքը չէ վերջին ամիսներին: Այսպես՝ Կարդիֆում բնակիչներին խնդրել են Tesco սուպերմարկետ չգալ գիշերազգեստով, իսկ Միդլսբրոյում ծնողներին խորհուրդ են տվել երեխաներին դպրոց չուղեկցել, եթե չեն հագել փողոց դուրս գալու համար նախատեսված հագուստով: