Ամերիկացի ծովային հետևակայինը ռեկորդ է սահմանել իր տանը պահվող «Լեգո» խաղալիքների շնորհիվ: ԱՄՆ պաշտպանության նախարարության պաշտոնական կայքում ասվում է, որ Քայլ Ագոնի հավաքածուում կա 1091 խաղալիք:
Ագոնի խոսքերով՝ նա «Լեգո» է սկսել հավաքել 5 տարեկանից: Մինչև այժմ նա հավաքել է ավելի քան 1200 տարբեր թեմատիկ խաղալիքներ, սակայն ռեկորդի գրանցման համար կարող էին հավակնել միայն 1091-ը, քանի որ մնացածները կամ նախկինում գոյություն ունեցած խաղալիքների վերարատադրությունն էին, կամ չունեին օրիգինալ հրահանգ` դրանք հավաքելու վերաբերյալ:
Ծովային հետևակայինը պատմում է, որ երբ դիմել է Գինսեի ռեկորդների գրքում գրանցվելու համար, գրանցման հանձնաժողովի աշխատակիցները նրան հայտնել էին, որ նախկինում ոչ ոք չի փորձել գրանցել նման հաջողություն: Գինսի գրքում հայտնվելու համար Ագոնին բավարար էր 500 խաղալիք:
Ագոնի հավաքածուն նվիրված է տիեզերքի, երկաթուղային ճանապարհների, ամրոցների, ինչպես նաև «Աստղային պատերազմներ» ֆիլմի թեմաներին: Նրա տանը հավաքածուները տեղադրված են դարակներում և սեղանների վրա` զբաղեցնելով չափազանց մեծ տեղ: Ագոնը նշել է, որ այս պահին որոշել է դադար տալ և չգնել նոր հավաքածու:
