Մեկ շաբաթ անց այն բանից հետո, երբ աֆղան զինվորը սպանել էր 4 ֆրանսիացի զինվորի`պատճառ դառնալով, որ Ֆրանսիայի նախագահ Նիկոլա Սարկոզին դադարեցնի ռազմական գործողությունները Աֆղանստանում, Ֆրանսիան պատրաստվում է երկկողմանի համաձայնություն կնքել երկրում առաջիկա երկու տասնամյակների ընթացքում ռազմական ներկայություն ունենալու մասին:
Ֆրանսիացի զորքերը կշարունակեն մնալ Աֆղանստանում նաև 2014 թվականից հետո, երբ մարտական գործողութունները պետք է ավարտվեն ըստ այն համաձայնության, որը նախկինում կնքվել էր Աֆղանստանի և Ֆրանսիայի պաշտոնյաների միջև:
The Washington Post-ը գրում է, որ Աֆղանստանի նախագահ Համիդ Քարզային նմանատիպ համաձայնություններ կկնքի նաև Բրիտանիայի և Իտալիայի հետ իր Եվրոպա մեկշաբաթյա այցելության ժամանակ` ապահովելով ՆԱՏՕ-ի կարևոր անդամների աջակցությունը:
Քարզային հաճախ իր անհանգստությունն էր ատահայտել այն մասին, որ 2014 թվականից հետո միջազգային օգնության բացակայությունը կարող է վտանգել երկրի առաջընթացին, որը ձեռք է բերվել վերջին տասնամյակի ընթացքում: