Երեքշաբթի «Ուրիշ ծով» ֆիլմի նկարահանումների ժամանակ մոտոցիկլետը վրաերթի է ենթարկել հույն հայտնի կինոռեժիսոր Թեոդորոս Անգելոպուլոսին. նա տեղափոխվել է վերակենդանացման բաժին, որտեղ էլ մահացել է:
Ինչպես հաղորդում է РИА «Новости»-ն՝ վկայակոչելով Աթենքի լրատվական գործակալությանը, Անգելոպուլոսը վրաերթի է ենթարկվել նկարահանման հրապարակում: Ոստիկանությունից հայտնել են, որ նա մահացել է գլխին ստացած վնասվածքներից:
Ռեժիսորը 76 տարեկան էր: Նա 1998 թ. Կաննի կինոփառատոնում արժանացել է «Ոսկե արմավենու ճյուղ» մրցանակին «Հավերժություն մեկ օրում» ֆիլմի համար, իսկ 1995 թ. «Ուիլիսի հայացքը» ֆիլմի համար դարձյալ Կաննում ստացել է ժյուրիի մրցանակ: