Այսօր 2012 թ. Հայաստանի պետական ֆիլհարմոնիկ նվագախմբի առաջին փորձն էր: Անգամ տոնական օրերին պատրաստվում էր ու այս օրերին պատրաստվում էր ունկնդրության նվագախմբի ներսում: Դա կարծես վարժանքի նման բան էր, որ երաժիշտները քառյակներ կազմած նվագեցին: Այս մասին լրագրողների հետ հանդիպմանը հայտարարեց ՀՊՖՆ տնօրեն Ռուզաննա Սիրունյանը` ընդգծելով, որ նվագախմբի տարեշրջանը մեկնարկել է ոչ թե հունվարից, այլ անցած տարվա սեպտեմբերից:
«Այս տարի ևս կունենանք հրավիրյալ դիրիժորներ, մենակատարներ, այսինքն` Ֆիլհարմոնիկի գործունեությունը չի պասիվացել»,- նշեց նա: Հայաստանի պետական ֆիլհարմոնիկ նվագախմբի գեղարվեստական ղեկավար ու գլխավոր դիրիժոր Էդուարդ Թոփչյանն էլ հավելեց, որ դրանք կարևոր են, քանի որ իրենց նպատակն արվեստում «ամենաբարձր կետին հասնելն է»:
«Այսօր դրա համար ունենք բոլոր պայմանները, և հուսով եմ` երկրի տնտեսական աճի հետ կկարողանանք հասնել մեր նպատակներին, բայց տեղ ունենք դեռ աճի»,- նշեց դիրիժորը, որը նոր է վերադարձել Իսպանիայից, որտեղ գլխավորում է տեղի նվագախմբերից մեկը:
«2,5 ամիս պետք է մնամ Իսպանիայում տարվա մեջ, կարծես ամսվա մեջ մի շաբաթ պետք է այնտեղ լինեմ: Ես չեմ թողնի Ֆիլհարմոնիկը»,- հավելեց դիրիժորը:
Խոսելով Ֆիլհարմոնիկի անելիքներից` դիրիժորը տեղեկացրեց, որ Ֆիլհարմոնիկը կշարունակի ելույթներն ամեն ուրբաթ` «այս տարի էլ ավելի խիստ ընտրելով, թե ով պետք է նվագի, ինչ պետք է հնչի»:
Է. Թոփչյանը խոստովանեց, որ այս տարի ևս կլինեն կոմպրոմիսային ծրագրեր: «Մարդիկ կան, որոնք Հայաստանից են` ոմանք շատ լավն են, ոմանք` այնքան լավը չեն, բայց մնացած համերգները շատ լավն են թե՛ համերգների, թե՛ դիրիժորների առումով»,- նշեց նա` հույս հայտնելով, որ այս տարի կկարողանան կատարել «Տուրանդոտ» օպերան:
«Ուղղակի այս անգամ հասկացա, որ պետք է անել համերգային տարբերակով»,- հայտարարեց նա: