Հոսնի Մուբարաքի դատապաշտպանն այսօր հայտնել է, որ նա պետք է դատվի հատուկ դատարանում, քանի որ դեռ Եգիպտոսի նախագահն է և պաշտոնապես չի հեռացել իր պաշտոնից:
CNN News-ը հայտնում է, որ դատապաշտպան Ֆարիդ Էլ–Դիիբն ասել է, որ Մուբարաքը նախագահությունը միայն բանավոր է հանձնել նախկին վարչապետ Օմար Սուլեյմանին` առանց որևէ պաշտոնական փաստաթուղթ ստորագրելու, որը, ըստ սահմանադրության, անօրինական է համարվում:
Դատական նիստի ընթացքի մասին տեղեկությունները CNN News-ին հաղորդել է քաղաքացիական իրավունքի գործերով դատապաշտպան Խալեդ Աբու Բաքրը, ով ներկա է եղել դատալսմանը:
Եգիպտոսի դատավորների միության նախկին նախագահն ասել է, որ Մուբարաքը նախագահ չէ:
Զաքարիա Աբդել Ազիզն ասել է, որ հեղափոխությունը չի ընդունում սահմանադրությունը: Եգիպտոսի ժողովուրդն արտահայտել է իր կամքը։
Դատական նիստը հետաձգվել է մինչև երկուշաբթի օրը, որտեղ դատապաշտպանները կներկայացնեն նախկին ներքին գործերի նախարարի պաշտպանությունը, ում Մուբարաքի և նրա որդիների հետ միասին ևս մեղադրանքներ են ներկայացվել:
