Reuters գործակալության փոխանցմամբ՝ Իրանում արգելվել է Barbie տիկնիկների վաճառքը։ Դրա պատճառն այն է, որ արևմտյան «կործանարար» մշակույթը խաթարում է իսլամական արժեքները, և հասարակությանը պետք է պաշտպանել այդ ամենից։
Barbie տիկնիկների վաճառքի արգելքը արևմտյան ազդեցության դեմ Իրանի մղած «մեղմ պատերազմի» մի մասն է, ինչպես նաև Իրանի իշխանությունների պատասխանը ամերիկյան պատժամիջոցներին։
Թեհրանի հյուսիսային հատվածում գտնվող խաղալիքների խանութներից մեկի սեփականատերը հայտարարել է, որ մոտ 3 շաբաթ առաջ ոստիկանության ներկայացուցիչներն այցելել են խանութ՝ պահանջելով վերացնել բոլոր Barbie տիկնիկները։
Նշվում է, որ առաջին անգամ իսլամական մշակույթին Barbie տիկնիկների հակասելու մասին Իրանն ազդարարել է դեռևս 1996 թվականին, սակայն ցայժմ դրանք կարելի էր գնել երկրի խանութներում։