Հունվարի 16-ին Եռաբլուրում ԵՊՀ «Երիտասարդ համալսարանականների միավորում» կազմակերպության նախաձեռնությամբ և Պաշտպանության նախարարության աջակցությամբ կմեկնարկի «Բանակը մենք ենք» միջոցառումների շարքը: Ժամը 18:00-ին Եռաբլուրում երիտասարդ համալսարանականները ի հիշատակ զոհված հայորդիների կկազմակերպեն մոմավառություն և մոմերով կգրեն «Բանակը մենք ենք»:
Կազմակերպության ղեկավար Գևորգ Մելքոնյանի խոսքերով հայ երիտասարդությունը պետք է հպարտ լինի, որ այսօր մեր հանրապետության նախագահ Սերժ Սարգսյանը ևս անցել է Արցախյան պատերազմի բովով և անում է ամեն ինչ մեր հաղթանակները ամրապնդելու համար: Այս մասին «Առաջին լրատվական»-ին տեղեկացնում են ԵՊՀ «Երիտասարդ համալսարանակնների միավորում» կազմակերպության լրատվական բաժնից:
