Իրանական Mehr News գործակալության փոխանցմամբ՝ Իրանի զինված ուժերի գլխավոր շտաբի պետի տեղակալ, գեներալ-մայոր Մասուդ Ջեզաիրին զգուշացրել է ԱՄՆ-ին, Մեծ Բրիտանիային ու Իսրայելին։
Գեներալն ընդգծել է, որ իրենք զբաղված են իրանցի ատոմագետ գիտնական Ահմադի Ռոշանի սպանության կազմակերպիչներին ու այդ սպանությունը հովանավորողներին պատժելու ուղիների փնտրտուքով. «Իրանը դա գնահատում է որպես երկրի անվտանգությանն ուղղված մեծ սպառնալիք, և ներկայումս լրջորեն հետաքննում է այդ սպանությունը։
Մենք կոշտ պատասխան կտանք մեր թշնամիներին, որի արդյունքները հատկապես ծանր կլինեն ԱՄՆ-ի, Մեծ Բրիտանիայի ու Իսրայելի համար, քանի որ հենց նրանք են կանգնած այդ ահաբեկչությունների հետևում։ ԱԷՄԳ-ը նույնպես մասնակից է իրանցի ատոմագետի սպանությանը»։
Հիշեցնենք, որ ավելի վաղ իրանական կողմն ԱԷՄԳ-ին մեղադրել էր իր ստանձնած պարտավորությունների չկատարման մեջ՝ ընդգծելով, որ ԱԷՄԳ-ը հրապարակել է Իրանի միջուկային ծրագրով զբաղվող իրանցի ատոմագետների տվյալները, ինչի արդյունքում էլ նրանք հայտնվել են օտար երկրների հատուկ ծառայությունների թիրախում։