«Հունվարի 10-ին նախագահ Սերժ Սարգսյանի հրամանագրով ձևավորվեց Բարձրաստիճան պաշտոնյաների էթիկայի հանձնաժողովը, որի անդամներին նշանակեցին ԱԺ նախագահը, վարչապետը, ՍԴ նախագահը, ՀՀ Վերաքննիչ դատարանի նախագահը և ՀՀ գլխավոր դատախազը»,- գրում է «Հրապարակ»-ը և հավելում.
«Մեր ունեցած տեղեկություններով` ԱԺ նախագահ Ս. Նիկոյանը ցանկություն է հայտնել այս հանձնաժողովում որպես իր ներկայացուցիչ տեսնել ԱԺ քարտուղարության պետ Թաթուլ Սողոմոնյանին: Սակայն նախագահական նստավայրից նրան հասկացրել են, որ ինքը միայն ձևականորեն իրավունք ունի թեկնածու առաջադրել: Արդյունքում` Նիկոյանն առաջարկել է Լիլիթ Պետրոսյանի թեկնածությունը, որին երևի թե չի էլ ճանաչում:
Ահա այսպիսի ներիշխանական էթիկայի պայմաններում է ձևավորվել էթիկայի հանձնաժողովը»: