Грузия Online-ի փոխանցմամբ՝ թուրք-վրացական սահմանին կառուցվելու է նոր սահմանային անցակետ։ Այս մասին այսօր Ստամբուլում Թուրքիայի վարչապետ Էրդողանի հետ համատեղ մամլո ասուլիսի ժամանակ հայտարարել է Վրաստանի նախագահ Միխեիլ Սաակաշվիլին, ով սոմալեցի ծովահենների գերությունից վերադարձած վրացի նավաստիներին դիմավորելու համար ժամանել էր Ստամբուլ։
Վերջինիս խոսքերով, անցակետը կառուցվելու է Արադիդի (Թուրքիա) և Մաչախելայի (Վրաստան) միջև. «Նախկինում Թուրքիայի ու Վրաստանի միջև առկա էր «երկաթե» վարագույր, մինչդեռ այսօր երկու երկրների միջև վերացվել է անցագրային ռեժիմը և երկու կողմերի քաղաքացիները կարողանում են սահմանը հատել առանց անձնագրի առկայության։
Մենք շարունակում ենք խորացնել մեր բարեկամական հարաբերությունները։ Այսօր մենք պայմանավորվեցինք հավելյալ սահմանային անցակետի ստեղծման մասին, որը միմյանց կկապի երկու երկրների բնակչությանը»։
