Սիրիայի իշխանությունները ավտոշարասյանը չեն թողել երկրի տարածք մուտք գործել հումանիտար օգնությամբ բեռներով, որ հավաքվել էին արտասահմանում բնակվող սիրիացիների կողմից:
Ինչպես հայտնում է Al-Jazeera հեռուսաալիքը, սահմանապահները չեն թողել սահմանն անցնել 150 մարդու, որոնք հարևան Թուրքիայից փորձել են երկիր տեղափոխել ծածկոցներ, սննուդ և դեղեր: Ավտոմեքենաներից և ավտոբուսներից ոչ մեկը Սիրիա չի հասել:
Ակտիվիստները վրանային ճամբարներ էին հիմնել թուրքական կողմում և հայտարարել էին, որ հասնելու են սահմանը հատելու թույլտվությանը:
Սիրիայի իշխանությունները սրա հետ կապված դեռ ոչ մի բացատրություն չեն տվել:
Ավելի վաղ հայտնվում էր, որ հյուսիսային շրջաններում Սիրիայի բանակի գործողություններից հետո հարևան Թուրքիան է փախել մոտ 10 հազար մարդ: Նրանք մտադիր չեն հետ վերադառնալ, քանի դեռ երկրում իշխանությունը չի փոխվել:
