Պենտագոնը հետաքննություն է անցկացնում՝ համացանցում տարածված տեսանյութի հետ կապված, որում թվում է` ծովային հետևակազորի զինվորները իրենց բնական կարիքներ են հոգում թալիբների դիակների վրա:
Ինչպես հայտնում է Associated Press գործակալությունը, այս պահին ԱՄՆ պաշտպանության նախարարությունը չի կարող հաստատել կամ հերքել տվյալ տեսանյութի իրական լինելը: Այնուամենայնիվ, Պենտագոնը հայտարարել է, որ նկարագրված դրվագը չի համապատասխանում ծովային հետևակի բարոյական արժեքներին:
Տեսանյութում երևում է, թե ինչպես զինվորական հագուստով չորս մարդ իրենց բնական կարիքն են հոգում արյունոտ դիակների վրա`միաժամանակ նայելով տեսախցիկին, ուրախանալով և իրար հետ զրուցելով:
Իրավապաշտպան կազմակերպությունները պահանջել են ԱՄՆ իշխանություններից հետաքննել այս միջադեպը:
