Digital Trend-ը հաղորդում է, որ Apple-ն արդեն ուղարկել է հունվարի 19-ին Նյու Յորքում կայանալիք միջոցառման հրավիրատոմսերը, բայց հարկավոր չէ նոր iPad2-ի կամ iPhone5-ի հույսեր փայփայել։ Հրավիրատոմսի մեջ ասվում է. «Միացեք մեզ Big Apple-ում կրթական հայտարարության համար»:
AppleInsider-ը հաղորդում է, որ բամբասանքներ են տարածվել, թե միջոցառման ընթացքում հայտարարություն կարվի iBooks պլատֆորմի բարելավումների մասին` հավանաբար, կապված կրթության և թվային գրքերի հրապարակման հետ: Նոր սարքի թողարկում չի ակնկալվում:
Ըստ որոշ աղբյուրների՝ ընկերությունը կօգտագործի միջոցառումը «դասագրքի նախաձեռնության» մասին խոսելու համար, որը կապված կլինի կրթական ծրագրերում iBooks-ի օգտագործման հետ, ինչպես նաև iTunes U-ի հետ: Վերջինս Apple’s iTunes մի մասն է, որը տրամադրում է 150,000-ից ավելի անվճար կրթական ֆայլեր և լրատվություն աշխարհի տարբեր համալսարաններից ու մշակութային հաստատություններից:
