Ինչպես գրում է Daily Mail-ը, Ռոբերտ Քարդաշյանի երկու նախկին կանայք հայտնել են, որ Ռոբերտը նրանց խոստովանել է, որ վստահ չէ, թե ինքն է այժմ արդեն 27-ամյա Քլոեի հայրը:
Ջեն Աշլին, ով ամուսնացել էր նրա հետ Քրիս Ջեներից հետո, ասել է, որ հայտնի գործարարն ամուսնությունից հետո իրեն ասել է, որ Քլոեն իր դուստրը չէ: Իսկ 63-ամյա Էլեն Փիերսոնը, ով ամուսնացել էր Ռոբերտի հետ 2003 թվականին` նրա մահվանից միայն երկու ամիս առաջ, նույնպես որոշել է 89 տարվա լռությունից հետո պատմել Քարդաշյանների ընտանիքի ճշմարտության մասին:
Քլոեն այս հայտարարություններին պատասխանել է Twitter-ի իր էջում` գրելով, որ երկու կանայք պետք է ամաչեն իր հոր անունն այսպես արատավորելու համար: «Ես շատ բաների վրա ուշադրություն չեմ դարձնում, բայց սա իսկապես անտանելի է. Դուք զզվելի եք, և դուք գիտեք, թե դուք ովքեր եք»,– գրել էՔլոեն։
