Թուրքական Dünya Bülteni կայքի փոխանցմամբ՝ Անկարայի 12-րդ ծանր հանցագործությունների դատարանն ընդունել է Թուրքիայի զինված ուժերի գլխավոր շտաբի նախկին (17-րդ) պետ Քենան Էվրենի և բանակի պաշտոնաթող գեներալ Թահսին Շահինքայայի դեմ պատրաստված գործը։
Նրանք մեղադրվում են 1980 թվականի ապրիլի 12-ին Թուրքիայի պատմության ընթացքում ամենաարյունալի ռազմական հեղաշրջման կազմակերպման մեջ, որի արդյունքում Քենան Էվրենը 1982 թվականի նոյեմբերի 7-ին դարձավ Թուրքիայի 7-րդ նախագահ։
Հիշեցնենք, որ 1917 թվականին ծնված Քենան Էվրենն ավելի վաղ հայտարարել էր, թե կնախընտրի ինքնասպան լինել, քան այդ տարիքում բանտ նստել։
Ի դեպ, մինչև 2010 թվականի աշունը 1980 թվականի սեպտեմբերի 12-ին իրականացված ռազմական հեղաշրջման կազմակերպիչներն օգտվում էին անձեռնմխելիությունից, սակայն 2010 թվականի սեպտեմբերի 12-ին՝ ռազմական հեղաշրջումից ուղիղ 30 տարի անց, Թուրքիայի բնակչությունը հանրաքվեի ժամանակ կողմ արտահայտվեց Էրդողանի կուսակցության առաջարկած Սահմանադրական բարեփոխումների փաթեթին, որում ներառված էր նաև այդ ռազմական հեղաշրջման կազմակերպիչներին անձեռնմխելիությունից զրկելը։
Այն ժամանակ քրդերը նշում էին, որ բարեփոխումների փաթեթին կողմ արտահայտվելու հիմնական պատճառներից մեկը հենց այդ հեղաշրջման կազմակերպիչներին անձեռնմխելիությունից զրկելն էր։
