Грузия Online-ի փոխանցմամբ՝ խորհրդակցության նպատակով հետ կանչված Իրանում Ֆրանսիայի դեսպանը վերադարձել է Թեհրան։ Այս մասին հայտնում են Ֆրանսիայի ԱԳՆ-ի դիվանագիտական աղբյուրները։ Նրանց հաղորդմամբ՝ դեսպան Բրյունո Ֆուշերը Թեհրան է վերադարձել հունվարի 6-ին։
Ֆրանսիայի ԱԳՆ-ն իր դեսպանին հետ էր կանչել նախորդ տարվա նոյեմբերի վերջին, ինչի պատճառը դրանից օրեր առաջ Թեհրանում Մեծ Բրիտանիայի դեսպանատան վրա իրականացված հարձակումն էր։