ԱՄՆ–ի ռազմական նոր հայեցակարգը, որով նախատեսվում է բանակի թվաքանակի կրճատում, Իրաքում և Աֆղանստանում հսկայական ծախսեր պահանջող պատերազմների ավարտ և ուշադրության կենտրոնացում հետզհետե հզորացող Չինաստանի վրա, ենթադրում է, որ ամերիկյան ազդեցությունն աստիճանաբար թուլանում է: «Առաջին լրատվական»-ի հետ զրույցում նման տեսակետ հայտնեց ռազմական փորձագետ Արծրուն Հովհաննիսյանը:
«Քանի որ ԱՄՆ–ի ռազմական ծախսերը կրճատվում են, հետևաբար կրճատվում են նաև ազդեցության գոտիները: Ռազմական նոր հայեցակարգով որոշ վայրերից ամերիկյան զորքերը դուրս են բերվում, սպառազինության որոշ ծրագրեր կրճատվում են: Միաժամանակ, ինչպես ԱՄՆ նախագահ Բարաք Օբաման ասաց, հարկ է պահպանել մարդկության պատմության ընթացքում ամենահզոր զինված ուժերի համբավը, բայց և հաշվի առնել բյուջեի բարդ խնդիրը։ Իրականությունն այն է, որ ԱՄՆ–ը, իսկապես, այլևս չի կարողանում սպառազինության ոլորտում նախկինի նման նյութական մեծ ծախսեր անել, ամերիկյան տնտեսությունն այլևս ի վիճակի չէ ռազմական հարցերի «տակից դուրս գալու»: Միաժամանակ, անգամ կրճատված բյուջեով, ԱՄՆ–ի ռազմական բյուջեն հսկայական է՝ ներկա դրությամբ մոտ 600 մլրդ դոլար»,- ամփոփեց ռազմական փորձագետը:
Հիշեցնենք, որ Ամերիկայի Միացյալ Նահանգների զինված ուժերի գերագույն հրամանատարը` նախագահ Բարաք Օբաման ռազմական նոր հայեցակարգը Պենտագոնում
