Այսօր պետական հեռուստատեսությամբ հեռարձակված մեկնաբանություններում երկրի գերագույն առաջնորդ Այաթոլահ Ալի Խամենեին ասել է, որ Իրանը չի ընկրկի Արևմուտքի կողմից սահմանված պատժամիջոցների առջև:
Խամենեին ասել է, որ Իսլամական Հանրապետության որոշումն է դիմադրել արևմտյան ուժերի ճնշումներին:
AFP-ն հաղորդում է, որ չնայած որոշ վերլուծաբաններ և որոշ մարդիկ հենց Իրանի կառավարությունում ասել են, որ նոր պատժամիջոցները հարված են հասցրել Իրանի տնտեսությանը, Խամենեին հերքել է այն պնդումները, որ այս ռազմավարությունը կարգելի իր երկրին իրականացնել իր նպատակները:
Խամենեին ասել է, որ արևմտյան պաշտոնյաները մի քանի առիթներով հայտարարել են, որ ճնշումների և պատժամիջոցների միջոցով ցանկանում են հուսախաբ անել մարդկանց և այնպես անել, որ պաշտոնյաները չեղյալ համարեն իրենց ծրագրերը, բայց, ըստ Խամենեիի, նրանք սխալվում են, և միևնույն է՝ չեն հասնի իրենց նպատակին:
Հիշեցնենք, որ Եվրոպական Միությունը միացել է ԱՄՆ-ին՝ Իրանի նկատմամբ նոր պատժամիջոցներ սահմանելու հարցում, քանի որ կան կասկածներ, որ Իրանի միջուկային ծրագիրը միջուկային զենք ստեղծելու նպատականեր ունի:
