Այսօր` հունվարի 9-ին, Արտակարգ իրավիճակների նախարարությունում տեղի է ունեցել ԱԻՆ ղեկավար անձնակազմի 2012 թ. առաջին խորհրդակցությունը, որը վարում էր նախարար Արմեն Երիցյանը:
Խորհրդակցության ժամանակ քննարկվել են մի շարք աշխատանքային հարցեր, 2012թ. նախարարության գերակա խնդիրներն ու հիմնական անելիքները։
Արտակարգ իրավիճակների նախարարության լրատվական ծառայությունից «Առաջին լրատվական»-ին տեղեկացնում են, որ հանձնարարական է տրվել ծառայությունների և ՊՈԱԿ-ների ղեկավարներին` ծառայությունների օպտիմալացման և ներքին հնարավորությունների արդյունավետ օգտագործման համար։
Նախարարին զեկուցվեց, որ տոն օրերի ընթացքում հանրապետության տարածքում արձանագրված 120 դեպքի ապահովվել է օպերատիվ և արդյունավետ արձագանք, ինչպես նաև ստուգումներ են իրականացվել Երևանի և մարզերի հրշեջ մասերում։
Հատուկ ուշադրություն է հրավիրվել քաղպաշտպանության ծառայության արդյունավետության բարձրացմանն ու մարզերի հետ աշխատանքների ակտիվացմանը, ինչպես նաև 911 ծառայության զարգացմանը։
