Հանրահայտ ֆիզիկոս Սթիվըն Հոքինգը հնարավոր է այլևս չկարողանա շփվել աշխարհի հետ: Ինչպես գրում է ИТАР-ТАСС-ը, գիտնականի օգնական Ջուդիթ Կրոունսդելն ասել է, որ ֆիզիկոսի մոտ նկատվում է այտի մկանի հետաճ, որի պատճառով նրան ամրացված սարքն այլևս չի արձագանքում:
Լինում են օրեր, որ կարողանում են նրանից մեկ րոպեի ընթացքում կորզել միայն մեկ բառ: Հնարավոր է՝ զարգացած տեխնոլագիաների միջոցով նրան ամրացված սարքը թարմացվի, և վերականգնվի գիտնականի հետ հաղորդակցման հնարավորությունը:
Այս կիրակի լրանում է գիտնականի 70–ամյակը: Նախատեսվում է, որ նա ելույթ կունենա գիտական խորհրդի առջև: Նշենք, որ Հոքինգը մեծ ներդրում ունի տիեզերաբանության ու քվանտային գրավիտացիայի ասպարեզում։
1960–ական թվականներից գիտնականը տառապում է հենաշարժողական նևրոլոգիական հիվանդությունով և գամված է սայլակին:
